港姐出身的蔡思貝憑電影《陀地驅魔人》提名金像獎「最佳新人獎」，得知獲提名時，思貝說：「個冷震由心底裏面打咗出嚟！真係非常開心，人生第一部電影就可以提名新人獎，個意義真係好大、好珍貴。好多謝張家輝，佢好有信心咁揀咗我，我好感激佢畀呢個機會我，仲要多謝張繼聰，佢一路以嚟咁支持同鼓勵我。」

另一位提名「新人獎」的蘇麗珊說：「可以同其他新演員一齊競逐呢個獎，覺得自己好好彩，我演出套電影仲角逐埋『最佳原創電影音樂』同『最佳原創電影歌曲』，呢個令我更開心，因為自己睇完套戲好鍾意首歌，我比較偏心，最想套戲攞『電影歌曲』獎！」