文詠珊（JM）、白只及張繼聰分別獲提名金像獎的「最佳女配角」及「最佳男配角」，現時在台灣跟家人一起的JM坦言全家都興奮得尖叫：「一定要好好慶祝，好多朋友都Send咗祝賀句畀我，最感謝導演畀咗個咁好嘅角色我，動作指導錢嘉樂幫我為呢個角色做咗好多訓練，好多謝佢哋。」

奪得金馬獎最佳男配角的白只再憑《踏血尋梅》提名男配角，他指該片共有13項提名，比自己提名更開心：「金像獎由細睇到大，冇諗過自己會有份參與。」張繼聰憑《陀地驅魔人》提名，他說：「我當贏咗，播出後反應同票房都好好，已經賺咗！而且白只係我好兄弟，可以同佢一齊出席頒獎禮最開心。」而張晉亦憑《葉問3》及《殺破狼II 》提名男配角，他說：「非常之開心。2015年拍了兩部電影，估唔到兩部電影都有機會獲提名，真係好開心。動作電影獲提名表演獎項其實唔容易，好多謝投票同支持嘅人。」