藝人楊潮凱早前為歌手好友張紋嘉（Crystal）的歌曲MV負責故事創作及擔任男主角，講到二人激咀連場，潮凱笑言沒有私心，每次錫嘴都有內心戲要交代，並多謝這位中學年代已相識的好友信任。文：立影

楊潮凱創作「出軌」故事，要向身邊人攞靈感。

楊潮凱與張紋嘉於MV中又咀又有床戲。

張紋嘉與楊潮凱曾於求學時期合演舞台劇。

藝人楊潮凱與歌手張紋嘉相識逾十年，早前潮凱為Crystal新歌《最佳男主角》MV故事創作及做男主角，最令觀眾難忘是二人激咀連場。

咀出不同層次

潮凱受訪表示，MV中他飾演萬人迷髮型師，與洗頭妹Crystal拍拖多年，最後卻背着她與男性搞同性曖昧，故事可算相當爆。講到與Crystal的咀戲，他澄清是導演認為情緒需要才加的，自己絕無私心：「每次錫係有唔同內心戲，第一次係因為Crystal知道我心入面有其他人，於是我錫佢想補償，佢唔想做『愛的替身』於是推開我，但跟住佢諗諗下又唔介意，就衝上嚟錫我，呢次輪到我唔想委屈佢而推開佢，所以係有層次！（太熟有冇忍唔住笑？）開頭都擔心，但入戲就好投入，好多謝Crystal咁信任我，感覺好溫暖。」

讚有演戲潛質

他大讚Crystal變得甚有女人味，又指中學時期的Crystal已甚有演出天分：「中學嗰陣做舞台劇大家都好多蝦碌，有次有對手唱歌甩詞，佢爆肚加對白救番件事，睇到佢已經好有潛質！」

故事講及出軌及雙性戀，而潮凱的太太是其初戀情人，故他直言問過不少朋友意見：「問過唔少人如果佢哋另一半鍾意咗同性，會有咩反應，聽到好多得意嘅諗法，好開心今次有份參與創作，希望之後有機會試下做多啲幕後。」