歌手李逸朗（Don）早前應邀到美國紐約擔任一個華語歌唱比賽的嘉賓，他指此行可謂寓工作於娛樂：「都有時間四圍遊覽，食咗好多美食，但我都冇偷懶，有時間就做Gym，又去海邊晨跑，仲睇到日出靚景，好浪漫！」

Don到紐約工作時趁機四處觀光，大開眼界！

Don在紐約不時乘搭地鐵出入，他笑說：「係學習搭地鐵，因為都好複雜，我仲去咗大教堂、藝術館欣賞，比較特別係去911紀念館，睇完真係希望世界和平！」而最讓他開心的莫過於現場欣賞NBA球賽！