歌手泳兒即將推出新碟並灌錄新歌，更參與構思歌詞，以電影《玩轉腦朋友》的概念為主題：「我知我係阿驚，好多嘢都會驚青，然後諗不如寫隻歌講呢十年點去尋找勇氣，隱喻番愛情都要有勇氣接受或放手。」她坦言本沒信心與男友Ziv相戀，最後因時機而放膽愛：「嗰陣工作壓力大，需要人關心，可能係我最脆弱嘅時候，同埋Open咗，覺得今次不如試吓。」

自認「阿驚」的泳兒被男友改變不少，變得開朗！

拍拖四年，不論工作、社交甚至生活都被男友改變不少，泳兒驚青的性格亦有所改善：「好似學潛水牌、轉新造型都係因為佢而試，朋友都話我染金髮後開朗咗。」雖然滿意男友，惟她笑言對方慢活的方式與她相反，故不時躁底！