「巨聲幫」周志文去年經歷事業低潮，失合約、失形象，一夜間由上位小生變雙失青年，猴年將至，望一洗頹氣的他，專誠到大坑拜神，祈求新一年有新開始。文、攝：葉佩瑜

周志文到蓮花宮祈福，祈求事業順利發展。

周志文有機到內地拍劇，更表示不怕捱。

周志文去年被指因喪溝女而激嬲無綫遭解約，一年後他澄清當時只是約滿未獲續約，雖失去大公司依靠，但他沒有絕望，反而擺脫稚氣：「上年係迷惘期，以前煮到埋嚟就食，依家全部嘢都自己處理，覺得成長咗。」

「窮都唔緊要」

希望繼續向戲劇方面發展的周志文，現正與內地公司接洽，面對新挑戰，趁農曆新年將至，他專誠到大坑蓮花宮拜神祈福，望神明保祐及指點迷津：「好多嘢都傾緊，希望有好消息。」有機到內地發展的他表示不怕捱苦，亦慶幸仍年輕：「依家冇負擔，為咗追夢窮都唔緊要，從來都唔怕辛苦、唔怕捱，男仔冇咁多嘢煩，去邊度做嘢都好，有個地方瞓就得。」

無時間拍拖

談到被指花心，周志文認為不需要作出辯護：「唔會特登做啲乜改變人嘅諗法，我係唔係咁樣嘅人，時間會話畀大家知，做好自己，努力工作就夠。」今次他亦沒有求姻緣，因為事業心重的他無暇拍拖：「兼顧唔到愛情喇！想趁年輕放心機喺事業上，依家拍拖根本就冇時間陪女朋友，都唔會有女仔接受到男朋友成日唔陪自己啦！」