曾參選2012年港姐的黃穎君（Burmie）早前比同屆季軍朱千雪（Tracy）「搶先一步」，完成中文大學社會系碩士課程，Burmie說：「我知道Tracy早排都同公司請咗假，準備去中大修讀碩士，我好欣賞佢嘅決心！因為我之前半工讀，一邊拍《爸B有話兒》同《殭》，同時又主持娛樂新聞節目，又忙溫書、考試，真係好辛苦！（千雪浪費咗大好星途？）其實每個人每日都要做選擇，做演員應該有多啲唔同經歷。（畢業後大計係咩？）之前我拍新劇《一屋老友記》演呂慧儀個妹，我同佢取經，問佢點可以生完BB都Keep得咁好！（為生B做定資料搜集？）唔知呢，哈哈哈！」

Burmie已完成中大的碩士課程，與Tracy影畢業相。