有碩士學歷的女模柯嘉琪早前到澳洲旅遊，身穿三點式晒33D身材，與當地索女鬥火辣！想不到她的女人味連袋鼠亦迷倒，合照時袋鼠仔忍不住騷肌搶鏡。文：影視組

Kiko在澳洲以三點式上陣，同當地索女有得揮！

Kiko騷身材游水之外，亦與袋鼠作近距離接觸，好悠閒呀！

柯嘉琪（Kiko）早前「逃離」嚴寒的香港，到澳洲旅遊享受陽光與海灘，當地氣溫高達40度，Kiko當然要換上三點式騷Quali，大晒33D身材，不讓外國女生專美。Kiko更不停在美景及小屋前拍照，猶如影寫真一樣，她說：「呢度天氣好熱，一定要落水降溫啦！聽人講呢度嘅女仔偏肥，但原來個個都好索喎！不過我發生咗啲蝦碌事，開頭以為有雨遮租，點知當地人習慣自備帳幕，所以我要硬食猛烈陽光，曬到塊面甩晒皮，個身又兩截色，返到香港有排保濕呀！」

「大隻佬」起飛腳

此行是Kiko考獲國際車牌後首次自駕遊，非常難忘！她試玩了滑沙、四驅車及潛水等刺激玩意，又與樹熊和袋鼠作近距離接觸，Kiko笑言與其中一隻袋鼠合照時，袋鼠突然谷肌，非常搞笑！她說：「唔知係咪聞到我有陣女人味，我行埋去同佢合照，佢突然擺大隻佬甫士！之後我喺佢哋隔籬野餐，有隻袋鼠走過嚟望住我，仲輕輕力踢一踢我，原來我坐住佢條尾，佢哄咁埋，我都嚇一跳呀！」