前港姐林雅詩（Grace）日前與兒子到台北旅遊，她透露今次是即興之旅：「咁啱我同佢有幾日假，又唔想喺香港過。」她表示今次旅行加深了與兒子的感情，因旅途中一名男士向她搭訕，令兒子大感不滿，她說：「因為台北都多香港人去，我已經戴住口罩，但竟然有個男士跟住我哋，話想識我，令囝囝唔係咁鍾意。結果佢返咗酒店就同我講，叫我不如連妝都唔好化，因為唔想有人望我。聽完真係覺得好窩心，因為囝囝好緊張我，所以我想盡我能力好好照顧佢，要佢開心咁成長。」

索媽林雅詩遊台時被搭訕，惹兒子不滿。