藝人陳志健（Otto）早前接連拍攝健身中心及酒品廣告搵真銀，不過拍攝時適逢他患俗稱「生蛇」的帶狀疱疹，左邊面勁爆紅疹，他說：「因為工作冇得再押後，拍嘅時候都要就角度、就鏡頭，搵方法遮，出嚟效果都OK！酒嗰個廣告係返深圳拍，以英倫感覺做主題，所以我恤衫西裝Look上陣。平時都鍾意飲少少酒，生蛇嗰排當然就忍一忍口。我鍾意同朋友飲酒傾偈，或者喺屋企飲少少再睇戲，感覺幾好Feel。（醉咗有咩失儀舉動？）聽朋友講番，話我醉咗會好多嘢講，會不斷重複講同一番說話，好彩都唔算係太出醜吖！」

陳志健早前抱恙拍廣告，幸無損效果。