郭富城（Aaron）接甄子丹棒飾演孫悟空，並與羅仲謙飾的沙僧，在導演鄭保瑞指揮下合力打造全新風格的西遊電影，Aaron無懼比較，並充滿信心表示「郭富城版孫悟空」包保讓觀眾耳目一新！文：影視組 攝：劉智源

郭富城於新作呈現與別不同的「孫悟空」，有不少內心戲。

羅仲謙（右）飾演的「沙僧」要邊打邊演戲；旁為導演鄭保瑞。

在星皓有份投資的新片《西遊記之孫悟空三打白骨精》中，Aaron接甄子丹棒飾演孫悟空，他說：「子丹演得好！但我呈現嘅係完全唔同嘅悟空，今次好多內心戲畀觀眾感受！（鍾意上集做牛魔王定今集孫悟空多啲？）冇諗過有機會做孫悟空，但演員無論做乜角色都喜歡，既然委派咗咁大重任畀我，我就要排除萬難做好佢，但當我着起戲服、化好妝，原來比想像難，回想嗰段拍攝日子，我都唔知點解可以捱過？嗰段唔係『辛苦』日子，因為已經超越咗『辛苦』！」

點名讚「沙僧」羅仲謙

Aaron不忘大讚視他如偶像的羅仲謙：「謙仔不斷進步，算係上緊嚟嗰批，佢冇戲都喺現場睇，好值得栽培，有內心戲又要打，觀眾會記住呢個人！而演白骨精嘅鞏俐，佢未做過呢類魔幻電影，起初仲估佢吊咗上威吔會唔會連對白都唔識講？但佢好專業，係呢個角色不二之選！」

羅仲謙獲偶像笠高帽，即說：「我唔係擦鞋，郭富城係我偶像！但我同佢拍打戲冇留力，因為工作為先！」導演鄭保瑞被問有否信心突破上集12億票房，他說：「冇壓力，盡量唔去諗，拍好部戲先，我有好演員、好製作，觀眾會識諗！」

發聲明澄清春晚誤傳

對於近日網上有指郭富城將與演員六小齡童參與央視春晚，以兩代美猴王姿態亮相，卻惹來網民不滿指城城借六小齡童宣傳。昨日小美工作室發聲明，表示城城去年底曾獲央視春晚節目組邀請，但本月卻因拍戲致十字韌帶撕裂而無法參與，城城亦未有公開有關上春晚的消息，故對無辜被抹黑感委屈及不公。

場地：Crowne Plaza Hotel Causeway Bay

郭富城：

髮型：Ian Wong @ ii salon

化妝：Terry Yu

羅仲謙：

髮型：Jan Chiu @ IL Colpo

化妝：Leo Tam @ Annie G.Chan

服裝：A Bathing Ape