溫碧霞（Irene）早前首次擔任監製，邀請了譚耀文做電影男主角，他倆於最新一集《娛樂onShow》中，與主持陳振安大談合作趣事，阿譚又大讚Irene是真正的美魔女！文：專案組

首次擔任監製的溫碧霞請來譚耀文坐鎮，阿譚更唔睇劇本(舌累)飯應。

《愛在深秋》中飾演情侶的溫碧霞和譚耀文攬攬抱抱當然唔少得！

最新一集《娛樂onShow》，主持陳振安（左）請來溫碧霞和譚耀文大談合作趣事。

溫碧霞欽點演技了得的譚耀文在她首次擔任監製的愛情電影《愛在深秋》做男主角，已為人父母的他們更在最新一集《娛樂onShow》中分享管教子女的心得。提到首次擔任幕後工作，Irene表示有很大滿足感：「經歷咗好多嘢，由林家威寫呢個劇本搵我拍，淨係創作劇本都已經花咗九個月，到籌備、拍攝同後期，差唔多花咗兩年時間，估唔到拍一部戲原來係要經歷咁多嘢。」

提到不看劇本便馬上答應，阿譚表示對Irene有信心：「我同Irene拍《紮職》嗰陣，已經知道佢計劃緊呢件事，當時我哋有一個好好嘅合作回憶，我好少拍愛情片，但都想畀觀眾睇到我呢一面。」

唔露唔知身體好

談到今次合作的感覺，他倆即互笠高帽，阿譚說：「我覺得Irene畀人嘅感覺係個好柔弱、好貪靚嘅人，一開始合作會驚佢遲到，但真係冇，佢真係一個好準時同有責任心嘅人，大家都知佢保養得好好，見佢成日露膊頭就知佢身體好好！」想知Irene點睇阿譚？上《娛樂onShow》睇知就啦！