春風滿面的傅穎昨日承認戀愛中，言談間似乎洩露男友是內地人，蜜運中的她說：「我呢個年紀拍拖都係好正常，OK啦！總之開心。」文：音樂組 攝：林蔚恩

傅穎着斗篷出席活動，露腰晒腿相當養眼！

同場的模特兒展示猴年公仔。

傅穎與出席活動的學生合照。

傅穎為公仔穿上旗袍，全程笑容甜到漏。

久未在港露面的傅穎昨日出席大埔超級城的賀年旗袍展活動，如沐春風的她親口認戀，談到今年會為她設計的pigsa公仔推出「男朋友仔」，問她可有為自己覓個「真命天子」，她即點頭承認：「嗯！OK啦！我都咁大個人。」

情人節陪開工

不過，傅穎不肯透露男友身份，她笑說：「嗰啲細節唔講住，我覺得呢個年紀拍拖好正常，拍住先。（開始幾耐？求婚未？）等到差唔多結婚先講，暫未有結婚計劃。」記者不停旁敲側擊，追問新年會否去男友家拜年？她支吾以對：「我喺香港……咪問我呢啲嘢，唔識答，講多幾講我就講晒出嚟。」言談間暗示男友是內地人的她說：「多謝各位！（情人節咪可以慶祝？）我要做嘢。（佢陪你開工？）哈哈！希望大家放心，我搵到男朋友。（同男友去到咩階段？）總之開心囉！」

加盟姜武公司

愛情如意，事業也有好開始！傅穎透露剛在北京簽了內地演員姜武的公司「知者樂乎」，未來她將以內地為發展基地，但她否認放棄香港：「音樂我都會做番，舊年懶咗，好多工作拖到今年，今年會再出番書，又會出人形公仔，今年要實踐晒所有答應粉絲嘅承諾。」