高海寧昨日以學生妹打扮到一間小學宣傳無綫劇集《愛情食物鏈》，玩遊戲時她拿着香蕉由學生用口剝皮，狀甚困難，高海寧表示會檢討並簡化遊戲：「下次可能用腳添！」文：影視組

玩遊戲時，高Ling拿着香蕉讓學生用口剝皮。

古靈精怪的金剛竹籃當帽戴，氹到小儀和一眾學生鬼咁開心！

無綫劇集《愛情食物鏈》演員金剛、小儀、高海寧（高Ling）及陳智燊等昨日到將軍澳一間中學宣傳，一眾藝員與學生玩遊戲，期間高Ling拿着香蕉，再由學生用口剝皮，狀甚困難。

無懼緋聞擺上枱

高Ling受訪時笑說：「用口只係諗住冇咁容易剝開蕉皮，下次可能用腳添！（你都要用口剝蕉皮？）因為我箍牙，陳智燊好有風度幫我剝皮。（剝得有困難？）檢討吓，下次玩啲簡單遊戲。」問到以前的校服裙是否也那麼短？她說：「以前我係風紀，校服裙要過膝。（多人追？）同級冇，師兄就唔少，但冇一個成功。」

談到有場戲講述高Ling引誘陳智燊並打算獻吻，金剛即笑高Ling可當陳智燊是緋聞男友，「男友」鄧智偉則可錫啖，對於被擺上枱，高Ling說：「講笑啫！之前錄節目都畀佢不停笑，我個人好講得笑。」

金剛自認限量版校草

談到食蕉遊戲時，金剛笑說：「玩食蕉方便啲，唔通食西瓜咩？」他自言讀書時是校草，但一直沒有女友，起初以為是長髮影響，到中二剪短頭髮一樣沒市場，他笑說：「可能台灣民風較保守，唔識得揀我呢啲特別款、限量版，好彩依家時代轉變。」而劇集收視不斷報捷，前晚星期一的一集收視最高達31點。