出道十年的謝安琪（Kay）將於4月15及16日在紅館舉行《拾回謝安琪數愛世界巡迴演唱會》，已第三度踏上紅館的她，獲好友黃偉文（Wyman）繼《囍帖街》後再度身訂造新歌《山林道》，Kay解釋因當初她的小公司在山林道開始，可能時間令不少人和事變遷，但做人仍不能忘記初衷，故以此為名。問到是否想憑《山林道》再闖事業高峰？她笑說：「係又唔拘喎！我都希望首歌可以觸動人心。」

謝安琪將第三度假紅館開騷紀念出道十周年，今次更獲Wyman寫新歌《山林道》。

謝安琪的表演不嬲令觀眾熱血沸騰，但4月演唱會後就要等一年後喇！

Kay為事業十年奮鬥不斷，她覺得是時候停下休息，因此已決定個唱後放一年長假，對這個決定她自讚夠勇：「我都覺得自己好豪好勇，自己親自推咗唔少Job。（損失千萬元計？）係呀！但冇得咁計，要計嘅話生命比搵食重要。（唔怕消失一年被其他歌手超越？）冇擔心過，我嘅離開係為咗返嚟變得更強大。」問到是否趁機「造人」？她笑說：「係呀！我會好好造人，好好生活。」