何雁詩揼五位數做老闆

何雁詩搞作多多，除了是歌手兼演員外，最近更榮升老闆，推出自家時裝品牌Blackhole！昨日，她在100%有機果汁店CATCH Juicery舉行CATCH Juicery X Blackhole發布會，吸引不少粉絲到場支持，「玩具大王」蔡志明姪仔蔡加頌、名模Lea T.及男子組合BOP成員Gordon亦有撐場。獲日韓混血男友Wataru捧場的何雁詩透露，是首次與兩位朋友合資做生意：「我主要負責宣傳，投資咗5位數，第一次唔想投資太多，希望之後變成『大何老闆』！」

陳瀅「辦婚事」唔預猷亨

提到選擇在CATCH Juicery舉行品牌首個活動，她表示一開始是被店舖的裝潢所吸引：「覺得好清新又健康，形象同我個品牌好夾。我都試過佢哋嘅有機果汁，因為拍劇經常捱夜，要食得健康，保持身體健康！」其好友陳瀅及劉佩玥亦支持她做生意，問到為何不邀請兩位好友入股？她說：「我怕鬧交，而且想搵啲同我唔同嘅人。」她又指男友並非股東，因為籌備品牌時他倆仍未開始拍拖。

至於陳瀅亦計劃與朋友搞生意，她說：「想做同首飾有關嘅，我負責Marketing。（點解有興趣做生意？）都入咗行一段時間，有唔同嘅人脈，我讀Marketing，希望可以學以致用！」問到會否與男友何猷亨夾份做生意？她說：「如果係就想同劉佩玥，佢有同我提過想搞同結婚有關嘅生意。」

Gordon促成合作

Gordon則表示是他介紹何雁詩與生意拍檔結識，促成雙方合作，但與其風格不同，所以沒有投資，並透露現時投資有機種植：「種咗啲有機農作物，希望可以同CATCH Juicery合作！」