港足熱潮去年掀起，香港隊四場世界盃外圍賽主場賽事均「扯紅旗」爆滿，兩戰中國隊力保不敗，展現「勁揪」精神，當然成為城中熱話！主帥金判坤、門將葉鴻輝、前鋒陳肇麒、中場林嘉緯及後衞基藍馬等港隊成員，更變成香港英雄！除了香港隊賽事，本地球會級賽事同樣精彩，一樣勁揪！今午就會上演今季首項錦標決賽，由兩支港超聯球隊冠忠南區和東方，爭奪「康寶高級組銀牌」冠軍，戲碼超勁！

高海寧：
我都有留意冠忠南區嘅混血球員，其中花名「巴西」嘅梁家希，個樣睇落似外國人，但講純正廣東話，呢個組合好迷人。

梁家希

蔡思貝：
講靚仔，首選年過30嘅西班牙前鋒卡里爾，俊俏面孔加上一頭金髮，好有西班牙球星費蘭度托利斯嘅味道。

卡里爾

Super Girls：
冠忠南區有三位混血球員，我哋最喜歡防守中場嘅溫俊，網上睇過佢用結他自彈自唱嘅片，真係鐵漢柔情！

溫俊

蔡穎恩：
冠忠南區首席門將謝德謙都係港隊級門將，佢身手了得又靚仔，仲眼大大，係陽光大男孩。佢正職係行政助理，負責推廣同宣傳，好有上進心！

謝德謙

蕊蕊：
東方陣中有位本地球員速度好高，好有威脅性，仲好靚仔，佢就係李康廉！佢哥哥威廉以前都係球員，兩兄弟係沙頭角人，背後仲有好多故事。

李康廉

蘇麗珊：
後衞曾至孝之前做過廣告模特兒，當然靚仔。由於東方後防人腳出現變動，相信佢上陣嘅機會會愈來愈多。大隻仔，加油！

曾至孝

呂晶晶：
靚仔後衞曾錦濤雖然唔係大港腳，但之前入選B隊出戰港澳埠際賽同省港盃都交足貨，佢黑黑實實，有陽光氣息之餘又有安全感，堅要畀Like！

曾錦濤

溫家偉：
東方前鋒基奧雲尼同荷里活型男威廉寶雲好似樣。呢位上屆香港足球先生靚仔得嚟又唔花弗，私生活檢點兼聖經不離手，靚仔又乖仔，好搶手！

基奧雲尼

有心唔怕遲，撐港隊、撐本地波，不妨由這場大戰開始。最重要最重要，是今場波兩軍都不乏型男及「小鮮肉」，簡直是為想睇好波又想睇靚仔的「絲打」而設，除了入場打氣，將直播這場大戰的on.cc東網App，亦是大家的理想選擇！今次有8位留意本地球壇的型男索女，為各位介紹冠忠南區和東方的靚仔球員。

「康寶高級組銀牌」決賽

時間：今日下午3時正

地點：香港大球場

票價：$80、$30（特惠票）

睇好波！睇靚仔！下載on.cc東網app

下載東網App QR Code

我撐本地波facebook專頁: https://goo.gl/y2EDAz