龔嘉欣、張振朗和吳業坤等昨日出席活動，被指陷三角戀的嘉欣大方與張振朗及坤坤翹實合照，「左擁右抱」的她既大讚振朗靚仔，又自爆會到契細佬坤坤家拜年：「因為我當佢阿媽係半個媽咪！」文：影視組

龔嘉欣翹實「男友」張振朗和「細佬」坤坤，可謂左右逢源！

龔嘉欣預告會去坤坤家拜年，現場又打成一片。

龔嘉欣、張振朗、吳業坤（坤坤）及麥長青（麥包）等無綫劇《愛．回家》演員，昨日到荃灣出席團年飯活動。期間嘉欣大方與緋聞男友張振朗及「細佬」吳業坤合照。問到被指撻着振朗的嘉欣，似捲入三角戀？她搞笑讚振朗靚仔：「多謝大家為劇集宣傳，不過我同佢影嘅相Post上網就特別多人Like。（張振朗話因為自己靚仔？）佢係靚仔嘅！（有發展機會？）工作為重。」

談及坤坤日前稱不信她倆相戀，嘉欣笑說：「佢顧掂佢自己先啦！我下個應該同劉丹傳緋聞攞嚟笑吓！」張振朗被問到要否向緋聞女友陳芷尤解釋？他笑言與兩人是好好朋友，故毋須特別解釋。

問到新年會帶振朗還是坤坤去拜年？嘉欣自爆會去坤坤家拜年：「因為我當佢阿媽係半個媽咪，最好就去團拜一次過！」身旁的坤坤即笑說：「我冇利是畀你哋。（振朗叫你攞樂壇獎項出嚟派？）我阿媽會畀利是大家。」

麥包失主角：好被動

此外，麥包否認欠債又身家逾億的傳聞，對於有指他被換角而失機會首任「男一」？他自認被動：「換角經常發生，話我好開心你都當我傻啦！但所有嘢都係公司畀，演員好被動。」

問到會否自覺是公司權鬥傳聞下的犧牲品？麥包說：「係咪權鬥就唔知。（靜待機會？）年齡愈大機會愈少，我只係演員，享受工作。」