高Ling被《好報》踢爆與音樂才子鄧智偉秘戀3年兼同居,好友宋熙年、陳智燊及金剛都激讚兩人合襯!熙年不諱言會追問戀事:「如果真係拍拖,又唔同我講,會嬲囉!不過我覺得鄧智偉好有才華,但高Ling鍾唔鍾意就唔知。」Jason亦有睇片,他說:「我由頭睇到尾,勁愕然!不過高Ling就係男士都想追,智偉重情義又有才華,高Ling又話要搵男朋友,都係時候!」至於金剛得悉高Ling與鄧智偉秘戀3年後亦說:「估唔到囉!都OK呀!鄧智偉好有才華,中晒高Ling嘅要求!」

宋熙年與陳智燊激讚高Ling與鄧智偉合襯,兩人日前與高Ling開餐,唔知有冇提及「高鄧戀」?

Jason離開後,宋熙年與高Ling孖公仔Shopping。