甄詠珊師弟兼歌手安俊豪（Simon）正式攻入樂壇，積極備戰密密做Gym操Fit，視「人魚線」為目標的他更希望練成郭富城的身形，實行以「肌」取勝！

安俊豪以城城的一身肌肉為目標，誓要以肌突圍。

安俊豪密密做Gym操人魚線，為攻入樂壇做好準備。

安俊豪做運動時毫不喘氣，完美演繹力的表現。

安俊豪早年參加亞視節目《亞洲星光大道》入行，近年簽約新公司成為甄詠珊師弟，積極備戰的他密密做Gym練氣，做起運動時更毫不喘氣，有板有眼，絕非健身初哥！Simon透露平日經常做運動以保持最佳狀態：「平時夜晚會去跑步同健身，之後返屋企沖涼瞓覺，我覺得係一件好舒服嘅事。（做咩運動多？）多數都係游水同跑步，運動會令到身體健康啲。（身形滿意？）我永遠都覺得係有待改善，因為身邊朋友身形都好Fit。」

跳唱型偶像

Simon表示視「人魚線」為目標：「咩線都操緊，依家都練到7成左右。（吸引女粉絲？）我嘅偶像係郭富城同羅志祥，想好似佢哋咁Fit。（行跳唱路線？）係呀！細細個都已經聽快歌，好想喺台上一路跳一路唱，令氣氛更High。我冇乜壓力，每一個方面做好自己，問心無愧就足夠，冇去比較啲咩。」

場地：PT Pro

文：專案組　

攝：嚴偉國