歌手洪卓立（Ken）與女友湯怡各自擁有一隻五歲半的玩具貴婦狗，提到與愛女「淇淇」的難忘史，Ken表示每朝都要執「金」：「佢屙真係唔緊要，最慘屙完踩到成屋都係！當我起身已經乾晒，執又執唔到，係要剷呀！」雖然被淇淇氣得剩下半條命，但Ken依舊深愛牠：「每次收工返屋企，打開門佢就跳跳紮接門，又要我抱同錫我，幾唔開心同攰都冧晒啦！」Ken又指淇淇小時候非常頑皮，試過從櫈上跌落地搞到動彈不得，嚇得他急急送入院，Ken猶有如悸地說：「嗰下真係好驚！跌到條脷反晒出嚟又唔郁，好驚佢會死，好彩兩秒後郁番，即刻帶佢檢查，醫生話可能因為呢次跌倒，對佢腦部發育有影響。」

洪卓立與湯怡各養有一隻玩具貴婦狗，人狗都咁Sweet！