池希（Cga）與樂隊movin'合作搞音樂會，儘管首次合作但練成好默契，作為唯一女生的Cga更高呼「正」！然而Cga卻被movin'嫌棄，笑她精神異常，到最後甚至完全無視她的「瘋癲」行為！

池希站在一班「猛男」中間，幾開心！

池希外表看似Cool Cool哋，原來係會無啦啦跳舞嘅「瘋婦」！

池希與袁學謙牽手合唱，對擁有自己的燈牌大為感動。

歌手池希日前與樂隊movin'舉行迷你音樂會，movin'主音袁學謙表示主動邀請Cga開騷：「次次開騷都得我哋幾個男仔好Dry，本身我哋喺活動上認識Cga，所以咪邀佢一齊玩。」問到Cga與五位大男孩合作有何感覺？她興奮地說：「正囉！佢哋夾開Band，又好人，所以就算第一次合作，都玩得好開心，仲可以摸吓身！（你鍾意肌男？）又冇乜所謂嘅，不過同佢哋一齊好過癮！」

「瘋癲」跳唔停

首次合作但默契十足，綵排期間有否遇到趣事？袁學謙爆Cga在綵排時不論聽到快歌或慢歌都會突然跳舞：「開頭以為佢係一個好Cool嘅女仔，點知原來係癲嘅！可以跳足幾個鐘，而我哋隊嘅Benedict都係呢類人！」Cga則大呻做甚麼特別舉動都不會引起對方反應，她亦表示首次舉辦為時兩個多小時的音樂會感緊張，但即被movin'五子踢爆：「佢綵排嗰陣已經開始講緊張，仲要Non-stop咁一直講到依家，得個講字！」

打工養音樂夢

音樂會期間袁學謙談到作為獨立音樂人的悲哀：「獨立音樂人唔易做，租Band房嘅錢要靠接Job，另外要靠正職搵嘅錢去做歌，如果唔做樂隊，我哋可能做番正常工作，雖然我哋兩樣都鍾意做，但要食飯就要有正職。」而Cga演出期間獲粉絲大合唱而感觸泛淚：「我等咗七年先做到歌手，依家有粉絲有燈牌我已經心滿意足！」

文、攝：音樂組