組合SiS樂印姊妹早前到電台宣傳新歌《新世界》，兩人透露最近為無綫拍攝了賀年特輯：「我哋去咗舞龍舞獅，雖然住新界對呢啲一啲都唔陌生，不過舞就係第一次，師傅教我哋點樣幫隻獅眨眼，我哋搞到佢變咗反白眼。」

妹妹駱胤鳴表示最近的工作都圍繞新年，故常想今年是否要派開工利是：「我做主播時見芷珊姐姐（黎芷珊）派得好勁，所以去問周奕瑋係咪要派到好似佢咁，點知周奕瑋同我講人哋係好紅搵好多先派，我呢啲奀星唔使派啦！」兩姊妹笑言雖被好友取笑是奀星，卻視作警惕，不要自滿！