屬「Band仔」性格的鄭俊弘，新碟的自創曲竟是一首情歌！他笑言這種「Band仔柔情」是突然萌生，新碟亦會與演唱會的「紅色」主題一致。不想被定位的他即使與同門許廷鏗撞歌路，亦強調各有各的強勢之處發揮，各領風騷！

鄭俊弘自言中文屬「有限公司」，故未敢作詞！

與許廷鏗撞歌路的鄭俊弘毫不介懷，希望觀眾認識多方面的自己。

許廷鏗

歌手鄭俊弘（Fred）完成個唱後加緊籌備新碟，並與演唱會的「紅色」主題一致：「紅色對我係充滿愛，亦代表對音樂團火、熱誠同帶啲危險，覺得自己大個咗，希望將另一面嘅Fred透過音樂呈現畀觀眾。」為求與首張專輯不一樣，Fred今次亦有自己的作品，自言「Rock底」的他卻笑說創作偏向情歌：「少寫呢類風格，但唔知點解坐喺鋼琴前就寫咗呢首，都寫咗好多輕快、Rock嘅歌，但公司最後揀咗情歌。」他透露暫以作曲為主，未有信心挑戰作詞：「因為中文仲係學習中，用嚟用去都係嗰幾隻字，真係『有限公司』！」

怕定型被框死

定位對新進歌手而言相當重要，可成為一個歌手的代名詞，然而Fred不欲被框死：「唔想Stereotype（定型）咗Fred就係唱悲情、勵志歌，做人唔只得一個感覺！」樂壇競爭一向激烈，光是Fred的公司已有吳若希及許廷鏗（Alfred）等歌手，加上Fred與Alfred歌路相近，哪會否怕被比較歌曲甚至資源分配不均？Fred說：「比較一定有，但覺得Alfred唱情歌、抒情歌係冇人贏到佢，呢個係佢嘅Signature，而我夾Band出身，有結他喺度我會舒服啲，公司都有啲歌係Rock啲，畀我喺我Comfort Area發揮，同Alfred唔同。」

歌視雙棲難平衡？

演員出身的Fred去年主力個唱及新碟，問到是否特意跟公司討論？他說：「係公司安排所有工作。（放棄一邊？）冇點諗過，如果邊樣需要擺多啲時間就放多啲落去，前年拍《名門暗戰》時錄緊第一隻碟，反而錄音唔理想，最後決定停咗錄音，拍晒先再錄，但令隻碟遲咗出。」

場地：都會海逸酒店

文：音樂組

攝：黎志輝