藝人車車（張紫櫻）早前放低賽馬節目主持的工作，飛往美國欣賞NBA賽事：「雖然馬季未抖暑，但都決定暫時放低工作，欣賞NBA矚目大戰：勇士對騎士，呢場係上年決賽嘅翻版，我就帶團過去睇。喺電視睇過NBA，但現場感受好唔同，籃球可以話冇悶場，有靚女啦啦隊跳舞助興，又有紀念品，攞到件聖誕版特別Tee！我鍾意咗勇士嘅史堤芬居里（Stephen Curry），佢簡直神乎其技！」
