廖碧兒生日「賣豬仔」到北海道

廖碧兒（Bernice）出席飲食活動時提到本月初剛度過37歲生日，她向《東網電視》透露獲一班加拿大的好友送上神秘驚喜，邀請她到北海道滑雪慶祝：「呢個假半年前已經同公司申請，佢哋出發前幾日只叫我帶咩衫，唔肯講去邊，我仲以為去泰國，點知原來去北海道，仲第一次滑雪，好刺激！（好友胡杏兒都喺嗰度！）我哋有Message，但冇見到。」Bernice又表示將與3星米芝蓮星級大廚梁經倫合作，獲贊助將其釀製的紅酒造成朱古力醬汁，並配合意大利蛋糕雞蛋仔於年宵攤位發售，屆時有空會到場做生招牌！