飽受膝痛困擾的天后容祖兒昨日出席活動時表示，間中會風濕發作而未能參與長跑。而與李克勤老友鬼鬼的她笑言可練定飆高音，助他出戰內地節目《我是歌手4》！

祖兒擺出單腳企甫士，小心又整到個膝頭呀！

同一班小朋友合照的祖兒笑得開心。

女友祖兒情人節要去美國開騷，劉浩龍唔係唔陪呀？

容祖兒昨日出席兒童愛心馬拉松活動時表示，只適合短跑：「因為我膝頭哥會痛，有啲風濕，我都已經尋求緊秘方。」提到新年及情人節將至，她表示將到美國與李克勤開騷，又透露未知男友劉浩龍會否同行：「仲諗緊，佢有咁多人要拜年。不過我媽咪就唔會去，佢唔應該去太凍的地方。」對於克勤出戰內地節目《我是歌手4》，祖兒表示有留意：「佢嘅表現係一等一！（你會唔會參加？）踢館？我驚自相殘殺！」但願意為克勤助陣：「我開始練定飆高音先！」

勁咀「梁浸浸」

談到好姊妹鍾欣潼（阿嬌）昨日35歲生日，祖兒表示雖然未有送禮，但一回港即聯同蔡卓妍、鄭希怡（Yumiko）和陳妍希等趕去參加其生日派對，期間阿嬌母性大發，與祖兒齊齊向Yumiko的囡囡「梁浸浸」獻吻。

文：音樂組　

攝：鄭家俊