黃榕昨日以金色Deep V Look與白色低V谷胸的姚紫茵（Bonnie）及「綠魔」許嘉浩（Karl）到尖沙咀出席賀歲歌曲MV發布會，兩人鬥晒線之餘，更拋胸俯身寫揮春。黃榕說：「呢個MV成本應該少過900蚊，網友要惡搞冇問題，遲啲我哋會周圍宣傳首歌，去探訪老人，到時會密實番！」而對於有模特兒被公司走數，她說：「我都試過畀內地公司走5位數，更加難追。」Bonnie則說：「試過有人斟我去馬來西亞工作，叫我出住機票錢先，我到埗後追番條數先做嘢。」

黃榕Deep V俯身寫揮春，晒線又晒字，一舉兩得。