羅嘉良最近一部於無綫參演的劇集是2009年播映的台慶劇《富貴門》，已有六年多未有替「娘家」無綫拍劇的他，在監製黃偉聲力邀下決定三月回巢拍新劇，監製接受訪問時說：「一定係好啱佢做先搵佢，其實一路都有同嘉良聯絡，不過之前佢喺內地拍嘢，所以未成事。」問到今次邀得嘉良回巢，無綫出「天價」還是「友情價」？他說：「唔係我傾，係由其他部門去傾。」至於嘉良會否有想合作的女主角？他說：「佢冇要求，我心目中有人選，對嘉良嚟講當然係未合作過最好。」嘉良亦表示能回港拍劇非常高興，亦相當喜歡劇中角色。

繼2009年的《富貴門》後，羅嘉良終於再度回巢拍劇。

胡定欣因檔期問題未能與嘉良合作，相當可惜。

曾離奇與嘉良傳緋聞的唐詩詠希望有機會合作。

唐詩詠曾傳緋聞

另外，得悉前輩將回巢拍劇的胡定欣及唐詩詠都表示期待合作，定欣說：「我三月要拍《來自喵喵星的妳》。（會唔會感可惜？）真係好期待，希望之後有機會，我都係睇佢啲電視劇大。」而詩詠則表示雖然未跟嘉良合作過，但初出道時他倆就出奇地傳過緋聞，亦是詩詠第一個緋聞，她說：「話說嗰陣有記者影到佢同一個女仔一齊，個樣好似我，結果傳出緋聞，我好鍾意佢，好想有機會一齊拍劇。」