羅霖與麥家琪前晚性感出席晚宴，羅霖受訪問時透露網店已開始運作：「買咗好多嘢，好似自己嘅人形攬枕，會送畀朋友同個仔。（叫男友買嘢？）得佢一個買唔夠，要好多個男朋友先夠，哈哈！（攬枕銷量好嗎﹖）幾好呀！有我個樣，幾受歡迎。（出貼身產品？）男女裝內衣都會有，但就唔會有我個樣。」

羅霖與麥家琪性感出席晚宴，非常吸睛。

近期頻頻出席活動的麥家琪說：「係大家以為我唔做啫，其實我好自由，做又得唔做又得，之前都有返內地拍網絡電影，拍劇太長時間就唔得，始終要照顧三個小朋友，大仔8歲、細仔5歲、細女就3歲。」