金剛早前被指在台灣工作時暗撻台妹，更一度傳跟女友陳蕊蕊分手，他昨日拍攝無綫節目《街坊廚神舌戰愛情食物鏈》時作出否認，又指報道「假到不能夠再假」：「咁奇怪嘅，我覺得有問題。唔知係嗰條女有問題定係個記者有問題，呢件事真係子虛烏有。」他又指與蕊蕊關係如常，各自為事業拚搏：「我35歲人喇！希望有番個事業。（蕊蕊鍾意你就夠？）有人都冇用！唔通喺度食西北風呀！」

蕊蕊笑言未睇報道，金剛已急不及待向她解釋。

而蕊蕊前晚出席晚宴時為男友澄清：「做嘢啫！工作唔係男仔就係女仔，我未睇個報道，佢已經同我解釋。（佢好着緊？）OK嘅。（傳你哋分手？）唔係，唔知點解有咁嘅傳聞，可能佢有節目出街，當宣傳啦！（話你搬走？）唔係，冇諗過搬走。」