高海寧（高Ling）、陳智燊及謝東閔，昨日與金剛及小儀拍攝無綫飲食節目，高Ling認真地烹煮靚雞，竟被評為「好鹹雞」，令她大發嬌嗔！

捧着一碟雞的高Ling畀個叻自己。

金剛與小儀落力宣傳飲食節目。

高Ling、陳智燊（右）與謝東閔炮製食物。

高Ling、陳智燊、謝東閔、金剛與小儀昨日拍攝《街坊廚神舌戰愛情食物鏈》，他們在地方有限的爐頭前製作食物，吸引大批街坊圍觀及拍照。高Ling從食肆廚房取出早已勾起的全隻雞，拿到爐頭前準備倒上滾油，過程中顯得信心十足，怎知金剛試食後竟劣評為：「好鹹雞！」

整到成手油

高Ling自信心慘被打擊，她說：「其實我近排都有喺屋企煮吓嘢食，點會鹹喎！（準備新年大展身手？）屋企有婆婆負責整新年嘢食，我就會少煮啲，不過頭先我有親自落手整，依家成手都係雞油，你知唔知斬雞幾難，好多人要專登上堂學，今次拍嘢我學識咗啦！」

自爆愛熟男

問到是否想找個男友幫她試味？高Ling說：「《街坊廚神》有好多街坊會試食喇！（唔想拍拖咩？）咁新一年都想有感情嘅，我都羨慕金剛有拖拍。（佢介紹你同謝東閔試吓培育愛苗？）哈哈哈！我鍾意啲成熟嘅！（金剛話佢為人敦厚老實？）佢鏡頭後唔係咁講囉！」而金剛則笑說：「梗係咁講嘛， 唔通我話佢Seven咩？」

文：影視組