婚後首度在港露面的李蘊親口宣布有喜，預產期是今年5月底，據知今胎佗女嬰的機會很高，雖然BB未出世，但已深得兩位契媽何超蓮、G.E.M.疼錫。

凸肚的李蘊表示會在港生B。

婚後首度返港露面的李蘊親口宣布有喜，剛在海南島舉行婚禮的李蘊昨日出席商場騷，肚凸凸的她說：「已經懷孕21周，預產期5月底。」但她拒透露BB性別：「到時大家就知。」她又表示會在香港生B。此外，有人目睹李蘊返港狂掃粉紅色BB衫，據知她懷的很可能是女嬰。

炮製愛心湯圓

一直想30歲前完成結婚及生BB計劃的李蘊說：「就快25歲，唔只想生一個，睇吓完成得幾多。」在台上炮製愛心湯圓的她笑說：「懷孕嘅感覺好似肚腩大咗，我同BB講，咁細個就要陪我出嚟做嘢，如果大家唔嫌我又肥又醜，我會繼續工作。」去年中註冊結婚後，她想不到很快就有BB：「大住肚擺酒係男家覺得應該擺咗先生，生完B後會喺香港補擺酒。（擺酒嗰日啲相你身材好好？）係超蓮呢個改圖高手，改到我身材好好。」她表示想拍攝大肚寫真，但擔心有肚紋。

好友恨拍拖

兩位好友何超蓮與G.E.M.都會做BB的契媽，李蘊說：「佢哋好鍾意BB，一定好錫佢。」談到超蓮與霍啟山的緋聞，前日她們又與霍啟山食飯，李蘊說：「佢好遲先嚟，佢親身恭喜我。（佢同超蓮拍拖？）冇拍拖。（追緊超蓮？）佢好多人追，唔知。（其中一個？）可能係啦！單身女仔好正常，唔通嚟追我咩。」她又爆超蓮和G.E.M.都好想拍拖，但她否認G.E.M.撬JW富二代男友Mark：「冇可能，個男仔見都未見過，如果佢哋拍拖唔話我知我會嬲。」

文：音樂組

攝：唐豁莊