崔碧珈、陳婉衡及莊思敏等前晚性感出席新片煞科宴。陳婉衡以超窄短裙盡騷36E上圍，成功搶鏡的她贏「峰」頭，力壓G Cup崔碧珈及除衫晒胸的莊思敏！

Anita晒胸又晒腿，更透露戲中會有半裸床戲。

Alycia力谷巨胸搶鏡，而未夠「胸」湧的莊思敏則挨阿Bob迎戰。

Angie表示之前搬暖爐時不慎弄傷右腳。

莊思明（左起）、Anita、Alycia、Angie和莊思敏打扮性感出席煞科宴。

崔碧珈（Anita）、陳婉衡（Alycia）及莊思敏等，前晚出席新片《PG戀愛指引》煞科宴。Anita一向以36G上圍贏盡「峰」頭，但今次卻分別被36E「無綫咪神」Alycia及莊思敏齊齊騷胸夾擊！Alycia穿窄身裙谷出三吋事業線「挑機」，其後莊思敏眼見眾女騷胸對撼，即場除去外套晒湯碗胸加入戰團，可惜「胸湧」程度略為遜色！

半裸拍床戲

晒線又晒腿的Anita受訪時否認與拍檔鬥搶鏡：「我哋套戲制服係幾低胸。（戲外鬥性感？）大家平等，只係想着靚啲。」問到於戲中有否性感演出？Anita即大爆會半裸上陣與陸駿光拍床戲，更笑言清場後仍大感尷尬：「因為半裸要清場，但清咗都仲係好多人。」

減肥着戰衣

Alycia則透露早前為拍戲減掉10磅肥肉，故身材更Fit的她特意穿上超窄戰衣到場：「條裙買咗好耐，減咗肥先着得落。」而岑日珈談到師妹伍倩彤被指欠債一事，則表示不清楚詳情：「唔知，之後會Text佢慰問。」Angie又表示於戲中會僅包棉被上陣，與趙勁皓演出床戲：「導演不斷叫我拉低啲，我心跳得好快，第一次床戲同銀幕初吻都畀咗佢。」

文：影視組