《東網巨星》娛樂節目《玄學星相》掀起網上玄學節目熱潮，節目內容富娛樂性之餘，亦為網友帶來玄學知識，一舉兩得！近年娛樂圈多對情侶屢傳好事近，新一集主持蚊之請來堪輿學家陳定幫分析，他指陳曉與陳妍希、范冰冰與李晨最快開花結果：「李晨同范冰冰可能結咗都唔定喎！有個感覺可能叫秘婚，陳曉同陳妍希其實都係嘅。」

李晨和范冰冰被推測可能已秘婚。

主持蚊之請來堪輿學家陳定幫分析三對圈中情侶的姻緣。

陳曉和陳妍希將有喜事出現。

劉亦菲與宋承憲被指最投契。

陳曉早前在法國出動「小龍女」像向陳妍希求婚，陳定幫指陳曉為人浪漫：「但陳曉對外界點睇會睇得比較重，陳妍希年齡比陳曉大少少，所以要佢咪咁介意人哋點睇，因為呢一樣嘢亦都可能係其中一個致命傷。」但陳定幫指陳妍希今年是「天喜年」，「紅鸞天喜」代表喜慶事，紅鸞代表婚姻，天喜代表進人口：「當然生BB就係一個好大決定，但係我睇到都會有少少喜事現象出現。」

至於范冰冰與李晨，陳定幫則指他們長遠來說婚姻可能未必穩定：「范冰冰八字年、月、日都係冇官星，官星即係男人星，佢男人緣麻麻哋。但佢由實齡27歲開始行男人運，所以佢好多緋聞，但係一去到33歲咁上下就開始減低，夫星就冇咁強，夫星冇咁強就好多不穩定因素。」想知晨冰點樣「火星撞地球」，睇《玄學星相》便一清二楚。

對於劉亦菲與宋承憲這段異國戀，陳定幫反而最為睇好：「佢哋個夫妻宮係相合，代表有緣分，大家溝通得好啲，投契啲。」想知邊對會閃婚及甚麼人適合異地戀，只要Click入《東網巨星》的「視娛樂」，睇《玄學星相》就啱Feel喇！

http://goo.gl/lSW3PH