對於被陳瀅（Jeannie）爆料指同居，何雁詩昨日接受電話訪問時表示，拍攝劇集《四個女仔三個BAR》後大家變得熟落，而且當時大家都需要搵地方搬，故決定一起住，至今已半年！至於可有見過陳瀅的男友何猷亨？她說：「有，有時我哋兩Pair人都會喺屋企一齊食飯，但何公子唔係成日喺香港，佢喺澳門工作，我呢個幾月都係見過佢三次左右！有時Jeannie見到我同我男友都會話唔抵得我哋！」至於可有想過與好姊妹齊齊結婚？何雁詩認為目前工作為上，未有想過結婚，但若結婚也不要與好姊妹一齊結：「結婚我都想做主角，唔想畀佢哋爭Attention，好姊妹還好姊妹，婚又唔可以一齊結！」

何雁詩和男友與陳瀅及猷亨曾在家中一齊食飯。