任劍輝與白雪仙愛徒陳寶珠及梅雪詩（阿嗲）合演的任白戲寶《牡丹亭驚夢》，門票尚未開賣已掀撲飛潮！寶珠笑言欠下一身飛債，兼被追到索氣！阿嗲則表示將會演一個鬼火咁靚的杜麗娘！

梅雪詩（左）與陳寶珠合演《牡丹亭驚夢》，門票未開賣已掀起撲飛潮。

美術及造型總監奚仲文花費近7位數字打造戲服，阿嗲笑言要做「鬼火咁靚」的杜麗娘。

陳寶珠與梅雪詩將於5月7至16日，假香港演藝學院歌劇院演出《牡丹亭驚夢》，這是兩人繼兩年前合作演出《再世紅梅記》後，再一次攜手演出，結果又再一次掀起撲飛潮。雖然這齣由寶珠、阿嗲夥拍尤聲普、任冰兒、阮兆輝及廖國森等多位大老倌合演的戲寶，將於本月18至22日才開始優先訂票，但寶珠與阿嗲早已接到大批訂飛Order！

寶珠、阿嗲與美術及造型總監奚仲文等飯局，寶珠笑言已欠下一身飛債：「戲迷朋友追到我索氣，有啲包場睇，有啲睇足咁多場，好多謝佢哋踴躍支持，我最鍾意就係欠飛債，歡迎大家追我追到索晒氣！」阿嗲則說：「我唔介意欠飛債，愈多愈好，我好願意償還呢啲債！」

戲服花費近7位數

寶珠與阿嗲早前為《牡丹亭驚夢》拍攝放在紅磡海底隧道口的大型宣傳海報，一身純白戲服襯到絕，拍攝時更擺出多個不同做手，盡展默契！寶珠指雖然人工及布料漲價，全體演員戲服花費接近7位數字，但這次演出會不惜工本，務求令觀眾欣賞到優雅和美感！阿嗲則說：「我演富家千金杜麗娘，有兩場戲要變女鬼，戲服變化多，海報套戲服係第一件完成嘅戲服，我對仲文設計有信心，我要做到鬼火咁靚嘅杜麗娘！」

文：影視組