吳若希、許廷鏗和鄭俊弘等昨日在電視城拍攝《財神到》MV，今次製作相當認真，MV內鄭俊弘等要一顯身手，表演跳彈床。他表示拍攝時一班女仔見到彈床即心驚，但很快便進入狀態。不過吳若希指稍一不慎就會仆倒：「發現雙腳抽一抽，好彩冇受傷。」她又稱已向公司請假，農曆新年會返福建探望祖父母及爸爸，更會帶同細佬一起前往，預算留個多星期，問到是否封利是給家人？之前被指富貴及換靚車的吳若希說：「會畀多啲，但交咗成六位數字稅，依家好窮，年廿九晚有騷，睇緊價錢，好嘅話會做埋先收爐！」

吳若希與歌手拍《財神到》MV。

許廷鏗透露正計劃農曆新年請假陪家人：「呢兩個星期好忙，診所都少返，仲要幫朋友洗牙還過年嘅債，但唱片公司同事已約咗，過年前會喺香港抽1日時間約埋去玩，預咗畀人野生捕獲。（去邊？）未知，睇吳若希啦！」