對於英國傳奇創作男歌手大衞寶兒(David Bowie)逝世,香港歌手及藝人等紛紛留言悼念。

林保怡

陳奕迅

蘇永康

任賢齊

周秀娜

黃秋生

林保怡:「David Bowie唔係太老,太可惜啦!我黑膠唱片櫃中,佢嘅唱片佔好大部分位置,最鍾意佢首《China Girl》。(你個名因佢而改?)當年我簽華納唱片公司,因老闆係英國人,為咗方便佢對我有深刻印象而改Bowie英文名,後來我出唱片時,公司叫我改埋個中文名做保怡作配合。」

陳奕迅:「非常震驚,好喜歡佢嘅作品,佢留低好多出色及啟發性嘅創作。我前兩日先買咗佢剛剛推出嘅黑膠唱片,仲未聽,唱片設計出色,能夠睇到佢哋團隊喺音樂上至唱片設計嘅創作係好值得我哋欣賞同學習,仍然要進步嘅動力。」

周秀娜:小時候受家人聽歐洲電子音樂薰陶的周秀娜感到十分惋惜,認為他是一個Legend(傳奇),她接受《東網》訪問時說:「細細個家人都有聽佢嘅歌,已覺得佢音樂風格同打扮非常前衞,就算到依家,都唔覺得Out,我哋會永遠懷念佢!」

蘇永康:「記得佢舊年張大碟仲成為英國年度最佳大碟,可惜嗰時佢冇出席頒獎禮,估唔到佢健康差到咁,其實69歲對一個藝人嚟講係好壯健。佢一切都比人行得快啲,無論表演、形象、表演模式都係比人早好多,記得喺70年代初,佢嘅作品更有離經叛道,顛倒社會嘅感覺,佢嗰人行得太快,人都走得太快啦!我只能夠有啲可惜。」

任賢齊:「David Bowie對我嚟講係好難得嘅音樂人,除咗音樂好特別之外,舞台、造型、台風同魅力影響咗好多好多後進嘅歌手,我最大驚喜係佢同坂本龍一合拍《戰場上的快樂聖誕》,佢就演英國俘虜,而坂本龍一就係做日本軍人,有幾好戲嘅表現。」

蔡一傑:「我從小學到中學出街都會打扮成David Bowie Look粉紅和紫藍的眼影,拿着他的12吋Single極摩登!世上又少了一顆巨星,永遠懷念你!」

王敏德:「佢係一個好有影響力嘅歌手,80、90年代可謂風靡一時,影響咗好多Pop Stars,雖然我唱嘅歌路同佢唔同,但好欣賞佢,佢嘅離開係樂壇一個損失。」

黃秋生:「非常可惜!我超喜歡佢喺電影《戰場上的快樂聖誕》嘅演出,好型!」