《2016國際中華小姐競選》將於本月23日舉行，無綫昨日舉行記者會，宣布由本屆港姐冠軍麥明詩代表出賽，而其一班好姊妹龐卓欣及郭嘉文等亦現身支持，並為麥明詩送上多款扮靚用品助她「升Watt」備戰。但「大開中門」兼露背現身的龐卓欣卻搶去主人家不少風頭！

身穿Deep V連身短裙的龐卓欣（右）搶了麥明詩不少「峰」頭。

麥明詩（右二）獲一班好姊妹到場支持，笑開懷！

師姐邵珮詩亦有到場為麥明詩打氣。

問到麥明詩是否開始緊張，她笑說：「又唔會，始終有選港姐經驗，依家忙於護膚多啲。（瘦咗喎！）刻意嘅，港姐之後我增咗磅嘛！依家瘦咗幾磅，想再減啲。（有冇信心？）目標都想入3甲，聽講其他女仔好靚，所以將目標降低。（龐卓欣搶你鏡喎！）佢係想畀熱情啲嘅感覺我啫！」問到以私伙上陣的龐卓欣突然性感搶鏡，她說：「我有着羽絨嚟。（真空？）有黐貼身胸圍，其實麥明詩之前都着過類似嘅衫，斯文大方嘛！我覺得呢條裙啱我性格。」她又透露已在網上成立個人頻道，可與粉絲保持交流：「總之想做自己鍾意做嘅嘢先，未諗點同公司簽約。」