RubberBand（RB）成員馮庭正（阿正）與「馬來西亞小姐」黃淑玲（Sherine）前日正式拉埋天窗，邀請約70名親友見證，包括前港姐翁嘉穗及其丈夫鄔友正、RubberBand其他成員等。Sherine透露婚禮以基督教儀式進行，非常溫馨！問到有否感動落淚？她說：「冇，忍得住，但都眼濕濕。」至於何時度蜜月？她說：「我哋新年會去日本滑雪先，之後再去歐洲度蜜月。不過日期仲未定，因為我想出咗唱片先，下星期開始錄番音。」問到婚後會否立即造人？她表示先享受二人世界，但笑說：「不過鄔生（鄔友正）都有叫我快啲生BB，咁就可以同佢細仔Kaspar一齊玩。」

阿正同換上紅色晚裝嘅Sherine喺親友見證下完婚。

阿正同Sherine結婚，一班RB嘅兄弟當然有到賀啦！