江欣燕昨日在深水埗出席電影《夏洛特煩惱》宣傳活動。早前她到內地表演時失足從一米高的舞台跌下，她坦言左手仍隱隱作痛，但未去睇醫生：「爹哋媽咪到依家都唔知。」談到最近的煩惱，欣欣笑言時間所剩無幾：「同埋父母都年紀大，身體開始有毛病，養嘅三隻貓都開始老。（定係拍《夜宵磨》食肥咗煩惱啲？）都係，夜晚食開咗個胃口！不過都唔係煩惱嚟嘅。」又透露近日到一間雲吞麵店拍攝，臨走打算買雲吞加麵餅，但老闆不肯收錢：「幾唔好意思，最後逼佢收咗一舊水。」

江欣燕早前墮台弄傷左手，但她未有看醫生。