陳智燊和高海寧等昨日宣傳新劇，被金剛咀爆的陳智燊，事後反遭投訴「伸咗條脷出嚟」。怕在婚禮上被玩的他借機向姊妹團成員高海寧「獻媚」，承諾為她介紹對象，希望姊妹們手下留情。

Jason被小儀推一推，硬食同金剛咀嘴，睇佢個表情都知佢有幾慘慘豬。

金剛咀完小儀，再咀高Ling，男粉唔使驚，有隔住膠片嘅！

一班《愛情食物鏈》演員齊齊為新劇宣傳。

何雁詩同謝東閔等咁開心，玩緊咩遊戲呢？

陳智燊（Jason）昨日和高海寧（高Ling）、阮小儀及金剛現身馬鞍山，為今日首播的新劇《愛情食物鏈》宣傳，期間金剛應監製徐正康要求，主動出擊咀爆3位拍檔，幸而兩位女生手持膠片，避免與金剛「正面接觸」，但Jason卻被迫「打真軍」來個「HeHe激吻」，事後更遭金剛投訴「伸咗條脷出嚟」，非常爆笑！

楊明龔嘉欣做兄弟

Jason與高Ling受訪時談到被迫與金剛咀嘴，他無奈地說：「佢啲鬚好拮。（第一次同男人咀？）又唔係，之前Farewell，同男同事都試過。（驚唔驚結婚嗰日畀人玩？）我有潔癖，希望到時佢哋唔好整污糟我件衫同個頭啦！」又透露與宋熙年的婚期初步定為11、12月：「希望揀到一個周末，又冇撞正大Function（活動）嘅好日子啦。（兄弟團落實未？）有楊明同龔嘉欣等。」他又向身旁的姊妹團成員高Ling「打底」，叫她手下留情：「總之要請食飯搵我。」而戲中主動出擊冧掂Jason的高Ling則說：「如果現實生活中我都係咁猴擒嘅話，一早就有男友啦。」Jason聞言承諾在婚禮上為她介紹好對象。

金剛最愛咀小儀

另外，問到「連環咀」中哪個拍檔最好Feel，金剛笑說：「梗係小儀啦，最有安全感。（Jason投訴你啲鬚好拮。）佢未婚妻冇嘛，咪好囉。」

文：影視組