湯怡的遭遇，其實不少女星也曾遇過，莊思敏去年便先後在微博及電郵被人問價，而電郵更寫得非常白，她說：「嗰個人喺電郵寫埋價錢，十萬一晚，我冇理到，覺得最好嘅方法就係唔使回應佢哋，當笑話一則。」她表示因為工作關係，難免會將電郵地址給陌生人，又指每個人對錢的看法不同：「我淨係知嗰個人覺得我值十萬，唔會自己覺得自己值十萬，依家啲人要搵藝人好多途徑，可以透過微博同社交網，所以唔使介意咁多。」

莊思敏不會理會問價短訊，只當笑話看待。

思欣表示仍收到約食飯的短訊。

而李思欣早前亦曾在社交網被問價，問到思欣現時有否被騷擾時，她說：「已經Block晒，不過都有啲短訊問可唔可以出嚟食飯，但就冇以前嗰啲咁離譜，係咁傳訊息嚟問。」她又說：「其實都好多呢啲渠道，依家社交網都有啲唔知乜嘢人嘅電話打嚟，都唔敢接。」談到湯怡笑言開心終於有人問價，思欣說：「我冇，當時好憤怒。」