林欣彤被本報獨家影到有高大的富二代新歡，昨日有讀者爆料，指其新歡原來是補習天王David Chiu（趙永康），亦是前港姐張舒雅及歌手AGA的舊愛，又指林欣彤的情緒病嚴重，經常嗌自殺，嚇得David對身邊朋友表示想分手。

林欣彤日前被拍得與David二人世界。

林欣彤回應指覺得爆料人是中傷：「第一我哋唔係一齊，其次諗出嚟嘅人幾衰，我好正常、依家好開心、好正面。」她否認與David拍拖，表示雙方只是朋友：「嗰日我哋係大班朋友有聚會，我唔識路佢先嚟接我。（有冇發展空間？）同任何人都有，但同佢只係普通朋友。（係咪追你？）唔係，我哋真係好普通嘅朋友。（佢同張舒雅、AGA拍過拖！）我唔會過問朋友嘅嘢，佢係圈外人，我唔想畀朋友壓力，唔想講佢。」