資深藝人肥媽縱橫娛樂圈30周年，特別在具有紀念性的日子舉行紅館個唱，並宣布今次將會是最後一次登上紅館舞台，她笑言要Keep Fat，因擔心有人追求時老公會呷醋。

肥媽開騷，好友瞓身支持。

肥媽（Maria Cordero）昨日為3月18、19日舉行的紅館演唱會《肥媽友誼長存30周年演唱會》舉行記者會，談到今次再踏紅館，她透露有很多老友都落力支持，而內部認購已賣了逾二百萬的演唱會門票。

推二百萬Job

問到可會為演唱會減肥，肥媽笑指要Keep Fat，因大家覺得她瘦了便難看，又擔心老公會妒忌她有人追求。談到演唱會神秘嘉賓，肥媽說：「大家唔同唱片公司唔講得，我淨係知有草蜢、巫啟賢、黃小琥，鄭欣宜。」受訪時，她透露今次將會是最後一次在紅館開個唱，並希望個唱後進入半退休狀態。問到為何想退休，她表示想陪伴家人及做個稱職的新抱、老婆、外母和家姐。

至於工作，她表示只會選擇工作量較少的工作：「如果煮嘢就OK，幾日就拍完，登台唱歌就唔會喇，之前馬來西亞那邊有個二百幾萬Job，要個個月過去所以推咗。個心想在香港做個終結。（老公怕你辛苦？）佢兩年前已經叫我退休。」她笑言剛剛過去的聖誕節首次跟家人過，但全家人都畀壓力她：「我那晚就對住我老公講粗口。」

錢國偉碎文件

另外，問到演唱會監製錢國偉，其太太陳宛蔚被菲傭偷走銀行月結單借錢一事，他表示此事是在太太外家發生：「畀人嚇吓又驚一餐，咁唔係個個都壞人，要將有資料的文件碎咗佢。」

文：音樂組

攝：劉智源