葉家寶爆亞視「未找數」

前亞視執董葉家寶將於3月10日正式離開亞視，他昨日接受本報專訪時表示，雖然亞視仍欠他官司費、罰款連薪金數十萬，但他已鬆一口氣：「有部分畀咗我，有部分未畀。（幾時再畀番你？）佢哋話有錢就會盡快，我都想佢哋盡快，因為我都開始冇嘢做。」他又稱考慮休假後全職做藝人：「有人都叫我不如開個『飯局』！」至於亞視無法續牌，自認有責任的他指公司積弱多年，而王征則是導火線：「佢始終唔係喺香港長大，對香港嘅了解唔及地道香港人，而佢就話我哋係因循，佢嘅過分堅持令亞視喺政策上唔啱香港人口味。」問到有否伴侶與他風雨同路，信奉基督教的他自言屬獨身主義者：「冇呢啲問題先可以全心投入工作，習慣咗幾十年。（咁多年都冇心動過？）曾經讀書時有，一路有個同學互相稱呼做Honey嘅，好多年好好朋友，有啲仲已為人婦。」