憑《中國好聲音》唱出名堂的李幸倪（Gin Lee）前晚出席簽約環球唱片記者會，獲多位師兄、師姐拍片祝賀，包括溫拿、陳慧嫻、劉美君、李克勤、陳慧琳、陳奕迅及張學友，獨欠傳不和的吳雨霏（Kary），Gin Lee否認與Kary不和：「佢好似放緊假。」身旁的工作人員即為她解圍表示Kary不在港，Gin Lee無奈地說：「VCR唔係我安排，總之冇咁嘅事。」

Gin Lee唱新歌晒歌藝，個個都讚夠晒勁！

監製馮翰銘、郭偉亮和阿倫等，齊祝賀Gin Lee加盟。

Gin Lee獲阿倫送上「獎牌」，阿倫副眼鏡起晒霧，更拿坤坤開玩笑。

而神秘現身的譚詠麟（阿倫）上台賀Gin Lee時，熱得滿頭大汗的他眼鏡突然起霧，他即開吳業坤玩笑說：「愈嚟愈矇，我冇攞獎，睇吓有冇激凸先？」引得全場捧腹大笑。對於Mr.傳與環球鬧不和，阿倫說：「講任何嘢都會令藝人同公司受損，我有帶佢哋做嘢，唔係大家諗咁淒涼。」