連詩雅（Shiga）昨日為新歌《舊街角》到電台宣傳，自認念舊的她透露收藏了不少東西，問到可有前男友的禮物？她說：「都有，放喺一個盒入面。（唔驚男友呷醋？）所以唔可以畀佢知！」又指不希望知道男友仍保留前度的物品：「唔知舒服啲，當然目前最好唔好有秘密。」雖然與男友感情穩定，但Shiga表示未有結婚打算，因想以事業為先，希望今年能舉行首個音樂會，做歌手的路才得以完整：「我知同藝人一齊係唔容易，需要耐性，當係一個考驗。」
