方中信、黃智雯、李佳芯及廖啟智等昨日出席無綫新劇《律政強人》在將軍澳電視城舉行的開鏡拜神儀式。方中信在接拍《律》劇時曾呻對白過長，昨日更向編審投訴並要求加插昏迷的戲份：「應該畀多啲機會新人！」問到同劇的女演員魅力如何？他笑說：「得到不得了！如果我後生多廿年都會追佢哋。（邊個靚？）全部都咁正！律師樓入面全部都係靚女！」惟他笑言未能與智雯和佳芯過電：「可能佢哋嫌我老。」但智雯卻大讚他：「佢Keep得好，唔單止係我啦！律師樓個個女仔見到佢都心心眼，不過我就隱藏得好，收喺內心。」而李佳芯亦笑言若有機會與方中信對戲，她亦把持得住。此外，問到智雯有關「胡說八道會」演唱會的事，她表示或需在後半年才能辦成，更透露屆時或會有性感舞步！

李佳芯（左）及黃智雯笑言把持得住，未被方中信電親。

方中信（前排右三）偕一眾《律》劇演員切燒豬。